تیز رفتار اور بلا رکاوٹ انٹرنیٹ کے لئے 5G خدمات کا آغاز آج سے ہوگا، وزیر اعظم مودی کریں گے افتتاح

نئی دہلی: ہندوستان میں آج سے تیز رفتار انٹرنیٹ کے لئے 5جی خدمات (5G Services) کا آغاز ہونے جا رہا ہے۔ وزیر اعظم نریندر مودی آج نئی دہلی میں ’انڈین موبائل کانگریس‘ کے دوران 5جی خدمات کا افتتاح کریں گے۔ اس ٹیکنالوجی سے انٹرنیٹ اور تیز رفتار ڈیٹا بلا رکاوٹ فراہم ہوگا اور انٹرنیٹ کی رکاوٹیں دور ہوں گی۔

یکم اکتوبر سے شروع ہونے والی انڈین موبائل کانگریس 4 اکتوبر تک جاری رہے گی۔ اس دوران 5جی کے علاوہ کئی اور اعلانات بھی کئے جائیں گے۔ وزیر اعظم مودی آج یعنی یکم اکتوبر کو صبح 10 بجے 5 جی خدمات کا افتتاح کریں گے۔ اس کے ساتھ ہی جیو اور ایئرٹیل کی 5جی سروس بھی شروع کی جا سکتی ہے۔

رپورٹ کے مطابق مکیش امبانی، سنیل متل اور کمار منگلم برلا بھی انڈین موبائل کانگریس 2022 میں شرکت کر سکتے ہیں۔ جیو اور ایئرٹیل ہندوستان میں 5G خدمات شروع کرنے والی پہلی کمپنیاں ہوں گی۔ ابتدائی طور پر 5G سروس صرف منتخب شہروں میں دستیاب ہوگی، جس میں اگلے سال تک توسیع کی جائے گی۔

اس سال منعقدہ ریلائنس کے اے جی ایم میں مکیش امبانی نے کہا تھا کہ جیو فائیو جی کو دہلی اور دیگر میٹرو شہروں میں دیوالی تک لانچ کیا جائے گا۔ یہ سروس اگلے سال دسمبر تک ملک بھر میں شروع کر دی جائے گی۔ کمپنی نے پین انڈیا فائی جی نیٹ ورک کے لیے 2 لاکھ کروڑ روپے کی سرمایہ کاری کی ہے۔ وہیں، جیو نے 1000 شہروں میں فائیو جی کے رول آؤٹ کے لیے منصوبہ بندی مکمل کر لی ہے۔

ایئرٹیل کے سی ای او گوپال وٹھل نے صارفین کے نام ایک خط میں لکھا تھا کہ صارفین کو نئی سم خریدنے کی ضرورت نہیں ہوگی بلکہ انہیں موجودہ سم کارڈ پر ہی فائی جی سروس فراہم کی جائے گی۔ انہوں نے بتایا تھا کہ آئندہ چند ہفتوں میں فائیو جی سروس شروع ہو جائے گی۔

فائیو جی سپیکٹرم نیلامی میں چار کمپنیوں نے حصہ لیا۔ اس میں وی آئی، ایئرٹیل، جیو اور اڈانی ڈیٹا نیٹ ورکس نے حصہ لیا۔ جیو نے اس میں سب سے بڑی بولی لگا کر زیادہ سے زیادہ سپیکٹرم خریدا ہے۔ ایئرٹیل اور پھر ووڈافون آئیڈیا نے دوسرے نمبر پر سرمایہ کاری کی ہے۔ اڈانی ڈیٹا نیٹ ورکس فی الحال صرف انٹرپرائز کاروبار میں کام کریں گے۔

قبل ازیں، ٹیلی کام اور آئی ٹی کے وزیر اشونی ویشنو نے کہا کہ حکومت کا منصوبہ ہے کہ دو سال کے اندر 5جی خدمات پورے ملک میں فراہم کرا دی جائیں۔ انہوں نے کہا کہ فائیو جی خدمات کی فراہمی کے لئے تقریباً 3 لاکھ کروڑ روپے کی سرمایہ کاری کی جائے گی۔

from Qaumi Awaz https://ift.tt/S04ClYd

تیز رفتار اور بلا رکاوٹ انٹرنیٹ کے لئے 5G خدمات کا آغاز آج سے ہوگا، وزیر اعظم مودی کریں گے افتتاح

نئی دہلی: ہندوستان میں آج سے تیز رفتار انٹرنیٹ کے لئے 5جی خدمات (5G Services) کا آغاز ہونے جا رہا ہے۔ وزیر اعظم نریندر مودی آج نئی دہلی میں ’انڈین موبائل کانگریس‘ کے دوران 5جی خدمات کا افتتاح کریں گے۔ اس ٹیکنالوجی سے انٹرنیٹ اور تیز رفتار ڈیٹا بلا رکاوٹ فراہم ہوگا اور انٹرنیٹ کی رکاوٹیں دور ہوں گی۔

یکم اکتوبر سے شروع ہونے والی انڈین موبائل کانگریس 4 اکتوبر تک جاری رہے گی۔ اس دوران 5جی کے علاوہ کئی اور اعلانات بھی کئے جائیں گے۔ وزیر اعظم مودی آج یعنی یکم اکتوبر کو صبح 10 بجے 5 جی خدمات کا افتتاح کریں گے۔ اس کے ساتھ ہی جیو اور ایئرٹیل کی 5جی سروس بھی شروع کی جا سکتی ہے۔

رپورٹ کے مطابق مکیش امبانی، سنیل متل اور کمار منگلم برلا بھی انڈین موبائل کانگریس 2022 میں شرکت کر سکتے ہیں۔ جیو اور ایئرٹیل ہندوستان میں 5G خدمات شروع کرنے والی پہلی کمپنیاں ہوں گی۔ ابتدائی طور پر 5G سروس صرف منتخب شہروں میں دستیاب ہوگی، جس میں اگلے سال تک توسیع کی جائے گی۔

اس سال منعقدہ ریلائنس کے اے جی ایم میں مکیش امبانی نے کہا تھا کہ جیو فائیو جی کو دہلی اور دیگر میٹرو شہروں میں دیوالی تک لانچ کیا جائے گا۔ یہ سروس اگلے سال دسمبر تک ملک بھر میں شروع کر دی جائے گی۔ کمپنی نے پین انڈیا فائی جی نیٹ ورک کے لیے 2 لاکھ کروڑ روپے کی سرمایہ کاری کی ہے۔ وہیں، جیو نے 1000 شہروں میں فائیو جی کے رول آؤٹ کے لیے منصوبہ بندی مکمل کر لی ہے۔

ایئرٹیل کے سی ای او گوپال وٹھل نے صارفین کے نام ایک خط میں لکھا تھا کہ صارفین کو نئی سم خریدنے کی ضرورت نہیں ہوگی بلکہ انہیں موجودہ سم کارڈ پر ہی فائی جی سروس فراہم کی جائے گی۔ انہوں نے بتایا تھا کہ آئندہ چند ہفتوں میں فائیو جی سروس شروع ہو جائے گی۔

فائیو جی سپیکٹرم نیلامی میں چار کمپنیوں نے حصہ لیا۔ اس میں وی آئی، ایئرٹیل، جیو اور اڈانی ڈیٹا نیٹ ورکس نے حصہ لیا۔ جیو نے اس میں سب سے بڑی بولی لگا کر زیادہ سے زیادہ سپیکٹرم خریدا ہے۔ ایئرٹیل اور پھر ووڈافون آئیڈیا نے دوسرے نمبر پر سرمایہ کاری کی ہے۔ اڈانی ڈیٹا نیٹ ورکس فی الحال صرف انٹرپرائز کاروبار میں کام کریں گے۔

قبل ازیں، ٹیلی کام اور آئی ٹی کے وزیر اشونی ویشنو نے کہا کہ حکومت کا منصوبہ ہے کہ دو سال کے اندر 5جی خدمات پورے ملک میں فراہم کرا دی جائیں۔ انہوں نے کہا کہ فائیو جی خدمات کی فراہمی کے لئے تقریباً 3 لاکھ کروڑ روپے کی سرمایہ کاری کی جائے گی۔

from Qaumi Awaz https://ift.tt/S04ClYd

چین نے 10 منٹ میں وائرس کی شناخت کرنے والا فیس ماسک بنایا

بیجنگ: چین کے محققین کے ایک گروپ نے کسی متاثرہ شخص کے رابطے میں آنے کے 10 منٹ کے اندر وائرس کا پتہ لگانے والا فیس ماسک تیار کیا ہے۔ چینی محققین نے جمعرات کو یہ اطلاع دی۔ اس ہفتے جرنل میٹر میں شائع ہونے والی تحقیق کے مطابق انتہائی حساس فیس ماسک 0.3 مائیکرو لیٹر کے ٹریس لیول مائع نمونوں اور 0.1 فیموگرام فی ملی لیٹر کی انتہائی کم ارتکاز میں گیس نمونوں کی پیمائش کرنے کی صلاحیت رکھتا ہے۔

گجرات اسمبلی میں ’لمپی وائرس‘ پر ہنگامہ، کانگریس نے کہا- ’گائے کے نام پر ووٹ مانگنے والے گائیوں کی موت پر بے فکر!‘

محققین کا کہنا تھا کہ ان کی ٹیم نے ایک ایسا فیس ماسک تیار کیا ہے جو 10 منٹ میں ہوا میں سانس کے جراثیم کا پتہ لگا کر انسان کو الرٹ کر دے گا۔ انہوں نے کہا کہ سانس کے پیتھوجینز جو کووڈ-19 اور انفلوئنزا کا سبب بنتے ہیں دوسرے افراد میں ان بوندوں کے رابطے کے ذریعے پھیلتے ہیں جب متاثرہ شخص بات کرتا ہے، کھانستا ہے اور چھینکتا ہے۔

بائیو الیکٹرانک ماسک جسے ٹونگجن یونیورسٹی کے محققین نے ڈیزائن کیا ہے، عام سانس کے وائرس کا پتہ لگا سکتا ہے، بشمول انفلوئنزا اور کورونا وائرس، ہوا میں موجود بوندوں، ایروسول اور پھر پہننے والوں کو ان کے موبائل آلات کے ذریعے الرٹ کر سکتا ہے۔

حجاب تنازعہ: سپریم کورٹ نے 10 دنوں کی سماعت کے بعد فیصلہ رکھا محفوظ، آج مسلم طالبات کے وکلاء نے کھڑے کیے کئی سوالات!

ٹونگجی میں تحقیق کے متعلقہ مصنف اور شنگھائی ٹونگجی یونیورسٹی کے فزیکل سائنس دان ین فینگ کا کہنا ہے کہ ٹیم نے ایک چھوٹا سینسر بنایا جس میں تین قسم کے مصنوعی مالیکیول لگے تھے جو بیک وقت سارس۔کووڈ-2، ایچ5این1 اور ایچ1این1 پر سطحی پروٹین سے منسلک ہوتے ہیں۔ انہوں نے کہا کہ اگر مستقبل میں سانس کا کوئی نیا انفیکشن ظاہر ہوتا ہے تو وہ اس کے لیے سینسر کے ڈیزائن کو آسانی سے تبدیل کر سکتے ہیں۔

from Qaumi Awaz https://ift.tt/T2m7dhZ

یوپی کے گل فروش کی منفرد ایجاد، ہیلمٹ میں سولر پینل اور پنکھا لگا کر دی گرمی کو مات!

لکھیم پور کھیری: یوپی کے لکھیم پوری کھیری ضلع کے ایک گل فروش نے ایک ایسا ہیلمٹ تیار کیا ہے جو گرمی میں راحت دینے میں مددگار ہے۔ ستر سالہ للورام نے اپنے ہیلمٹ میں ایک چھوٹا سا سولر پینل اور ایک پنکھا نصب کیا ہے۔ للورام اس ہیلمٹ کو اس وقت لگا لیتے ہیں جب وہ پھول بیچنے کے لئے باہر نکلتے ہیں۔

وقف املاک کا سروے نیک نیتی سے کرایا جا رہا ہے، خدا کی ملکیت پر قبضہ نہیں ہونا چاہئے، یوپی کے وزیر اقلیتی امور کا بیان

للو رام نے کہا کہ انہوں نے کئی لوگوں سے سامان مانگ کر یہ منفرد ہیلمنٹ تیار کیا ہے۔ انہوں نے کہا ’’میں بیمار پڑ گیا تھا اور سامان خریدنے سے قاصر تھا۔ مجھے کسی سے سولر پینل مل گیا اور پھر میں نے ایک دوست سے چھوٹا سا پورٹیبل پنکھا اور دوسرے دوست سے ہیلمنٹ مانگ لیا۔‘‘

اعظم گڑھ: موسیقار راجیش مشرا کے بیٹے کا سرعام گولی مار کر قتل

للورام کا کہنا ہے کہ پورٹیبل پنکھا انہیں گرمی سے کافی راحت دیتا ہے۔ للو رام روزانہ گھر گھر جاکر پھولوں کے ہار فروخت کرتے ہیں اور ان سے جو پیسہ کماتے ہیں اس سے اپنے کنبہ کی پرورش کرتے ہیں۔ للو رام نے اس کہاوت کو سچ ثابت کر دیا ہے کہ ’ضرورت ایجاد کی ماں ہے۔‘

from Qaumi Awaz https://ift.tt/zCALvwy

اسرائیلی سائنسدانوں نے کی دو اینٹی باڈیز کی شناخت، کورونا کی تمام معلوم اقسام سے کریں گی مقابلہ

تل ابیب: اسرائیل میں سائنسدانوں نے شفایاب ہونے والے کورونا کے مریضوں کے مدافعتی نظام سے دو ایسی اینٹی باڈیز کو علیحدہ کرنے میں کامیابی حاصل کی ہے، جو کہ SARS-CoV-2 (کورونا) کے تمام معلوم ویرینٹوں (اقسام) بشمول اومیکرون کو 95 فیصد کارکردگی کے ساتھ بے اثر کر سکتی ہیں۔

بنگلہ دیش کی وزیر اعظم زیارت کے لیے اجمیر درگاہ پہنچیں، عام زائرین کی انٹری بند

پی ٹی آئی کی رپورٹ کے مطابق تل ابیب یونیورسٹی کی ٹیم نے بتایا کہ اینٹی باڈیز سے علاج کے دوران ان کی کثیر مقدار جسم میں داخل ہو کر ویکسین کے ایک مؤثر متبادل کے طور پر کام کر سکتی ہے۔ اس سے کمزور مدافعتی نظام والے افراد اور وہ آبادی جس کو زیادہ خطرہ لا حق ہے، مستفیض ہو سکتی ہے۔

رپورٹ کے مطابق تل ابیب یونیورسٹی کی ٹیم نے بتایا کہ اینٹی باڈیز کے ساتھ ٹارگٹڈ علاج اور ان کی زیادہ مقدار میں جسم میں ترسیل ویکسین کے مؤثر متبادل کے طور پر کام کر سکتی ہے، خاص طور پر خطرے میں پڑنے والی آبادی اور کمزور مدافعتی نظام والے افراد کے لیے۔ محققین نے کہا کہ اگر اینٹی باڈی کے ذریعے علاج کیا جائے گا تو ہر مرتبہ نیا ویرینٹ سامنے آنے پر پوری آبادی کو بارہا بوسٹر خوراک فراہم کرنے کی ضرورت ختم ہو جائے گی۔

بلقیس بانو معاملہ: مرکز کی منظوری کے بعد ہی ہوئی مجرموں کی جلد رہائی، سینئر وکیل

خیال رہے کہ حال ہی میں جرنل کمیونیکیشنز بائیولوجی میں شائع ہونے والا یہ مطالعہ اسرائیل میں اکتوبر 2020 میں کورونا بحران کے عروج کے وقت کی گئی ابتدائی تحقیق کا تسلسل ہے۔ اس وقت ٹیم نے اسرائیل میں کورونا وبا سے شفایاب ہونے والے افراد کے خون سے تمام مدافعتی نظام کے خلیوں کو ترتیب دے کر مریضوں کے جسم میں تیار کردہ نو اینٹی باڈیز کو جدا کر لیا تھا۔ محققین کو اب معلوم ہوا ہے کہ ان میں سے کچھ اینٹی باڈیز کورونا وائرس کے نئے ویرینٹ ڈیلٹا اور اومیکرون کو بے اثر کرنے میں انتہائی موثر ہیں۔

from Qaumi Awaz https://ift.tt/S4W5ZtI

ایپل کے آئی فون-14 سمیت کئی نئے ماڈل متعارف، جانیں ہندوستان میں کتنی قیمت ہوگی اور کب دستیاب ہوگا

واشنگٹن: امریکی کمپنی ایپل نے ایک تقریب کے دوران اپنے مقبول آئی فون کے نئے ماڈل متعارف کرا دئے ہیں۔ ایپل ایونٹ کے دوران آئی فون 14، آئی فون 14 پلس، آئی فون 14 پرو، اور آئی فون 14 پرو میکس متعارف کرائے گئے۔ آئی فون کے نان پرو ماڈلز میں گزشتہ سال والی اے 15 بائیونک چپ ہی استعمال کی گئی ہے جبکہ آئی فون 14 پرو اور آئی فون 14 پرو میکس اپ گریڈ شدہ اے 16 بائیونک چپ کا استعمال کیا گیا ہے۔

پرو اور پرو میکس میں فرنٹ کیمرہ نوچ کو بھی کنارے سے دور اور ڈسپلے میں منتقل کر دیا ہے، ایسا نئے ڈیزائن کے ذریعے کیا گیا ہے جسے 'ڈائینامک آئی لینڈ' کہا گیا ہے۔ یہ ایک گولی کے سائز کا کٹ آؤٹ ہے جس میں فیس آئی ڈی، سیلفی کیمرہ، اور پرائیویسی انڈیکیٹرز موجود ہیں۔

ایپل کے نئے آپریٹنگ سسٹم (آئی او ایس 16) میں اینڈرائیڈ والا ’آلویز آند ڈسپلے‘ فیچر بھی متعارف کرا دیا گیا ہے، تاہم یہ صرف آئی فون کے پرو ماڈلز کے لئے ہی محدود ہے۔

لاک اسکرین کو بہتر بنایا گیا ہے۔ اب وجیٹس کو انسٹال کر سکتے ہیں اور ان کی ظاہری شکل کو انی مرضی سے تبدیل کر سکتے ہیں، اس کے ساتھ الرٹز بھی نئے طریقہ سے ظاہر ہوں گے۔ لاک اسکرین کی نئی خصوصیات کے علاوہ، کچھ دوسری خوش آئند تبدیلیاں بھی ہیں۔ مثال کے طور پر، صارفین آئی میسیج کے ذریعے بھیجے گئے پیغامات میں ترمیم یا حذف بھی کر سکیں گے۔ شیئر پلے، وہ فیچر ہے جو آپ کو کسی دوست کے ساتھ سنک کی گئی فلم دیکھنے کی اجازت دیتا ہے، یہ اب آئی میسیج کنورزیشن اور فیس ٹائم میں بھی کام کرے گا۔

ہندوستان میں آئی فون 14 سیریز کی قیمت کیا ہوگی:

ہندوستانی گاہک آئی فون 14 کو 79900 روپے میں اور آئی فون 14 پل کو 89000 روپے میں خرید سکتے ہیں۔ آئی فون کی فروخت 16 ستمبر سے جبکہ آئی فون 14 پلس کی فروخت 7 اکتوبر سے شروع ہوگی۔ اس کے علاوہ آئی فون پرو کی قیمت 129900 رکھی گئی ہے جو گزشتہ سال کے آئی فون 13 پرو کے مقابلہ 10 ہزار روپے زیادہ ہے۔ جبکہ آئی فون 14 پرو میکس کی قیمت بھی آئی فون 13 پرو میک کے مقابلہ 10 ہزار روپے زیادہ 139900 رکھی گئی ہے۔

from Qaumi Awaz https://ift.tt/stDlOmR

ہندوستان کی پہلی ناک سے لی جانے والی کورونا ویکسین ’انٹرانیزل‘ کو ایمرجنسی استعمال کے لئے منظوری

نئی دہلی: بھارت بائیوٹیک کو ’ڈی سی جی آئی‘ کی طرف سے ہندوستان کی پہلی ناک سے دی جانے والی کورونا ویکسین ’انٹرانیزل‘ کے ایمرجنسی استعمال کی منظوری حاصل ہو گئی ہے۔ مرکزی وزیر صحت ڈاکٹر منسکھ منڈاویہ نے اس کی اطلاع دی۔ انہوں نے کہا کہ ڈی سی جی آئی نے 18 سال اور اس سے زیادہ عمر کے لوگوں کی پہلی ٹیکہ کاری کے لئے ایمرجنسی استعمال کے لئے اس ٹیکے کو منظوری دی ہے۔

حیدرآباد: گنیش فیسٹیول کے پیش نظر مساجد کو شامیانوں سے ڈھانپا گیا

مرکزی وزیر صحت منسکھ منڈاویہ نے ٹوئٹ کیا، ’’کورونا کے خلاف ہندوستان کی لڑائی کو تقویت حاصل ہوئی ہے۔ بھارت بائیوٹیک کے ChAd36-SARS-CoV-S COVID-19 (چمپانجی ایڈینووائرس ویکٹریڈ) ری کامبننٹ نیزل ویکسین کو ایمرجنسی صورت حال میں 18 سال سے زیادہ عمر کے زمرے کے حوالہ سے استعمال کی منظوری دی گئی ہے۔‘‘

وزیر صحت نے مزید کہا کہ یہ اقدام وبا کے خلاف ہماری مجموعی لڑائی کو اور مضبوط کرے گا۔ ہندوستان نے کورونا کے خلاف لڑائی میں وزیر اعظم کی قیادت میں سائنس، تحقیق اور انسانی وسائل کا استعمال کیا ہے۔ سائنس پر مبنی نظریہ اور سب کی کوشش سے ہم کورونا کو ہرا دیں گے۔

نتیش کمار حزب اختلاف کو متحد کرنے میں مصروف، کیجریوال اور لیفٹ رہنماؤں سے ملاقات

نیزل ویکسین کیا ہے؟

اس میں خوراک ناک کے ذریعے دی جاتی ہے۔ ویکسین کو یا تو خصوصی اسپرے کے ذریعے یا ایروسول ڈلیوری کے ذریعے ناک کے راستہ اندر پہنچایا جاتا ہے۔ خیال رہے کہ بھارت بائیو ٹیک نے گزشتہ مہینے انٹرانیزل کورونا ویکسین کے لئے تیسرے مرحلہ اور بوسٹر خوراک کی آزمائش مکمل کی تھی۔ کمپنی نے کہا تھا کہ انٹرانیزل ویکسین کے لئے دو مختلف آزمائشیں کی گئی ہیں، ایک میں اسے پہلی ڈوز کے طور پر دیا گیا جبکہ دوسری میں بوسٹر خوراک کے طور پر دیا گیا۔

from Qaumi Awaz https://ift.tt/sKWQfZO

اسرو نے راکٹوں کی محفوظ لینڈنگ کے لیے ’فائر ٹیکنالوجی‘ کا کامیاب تجربہ کیا

نئی دہلی: ہندوستانی خلائی تحقیقی تنظیم (اسرو) نے راکٹوں کی رفتار کو کم کرنے کے لئے ایک نئی ٹیکنالوجی کا کامیاب تجربہ کیا ہے۔ یہ ٹیکنالوجی ملک کو راکٹ کے جلے ہوئے حصوں کو زمین پر اتارنے میں مدد کرے گی اور اس سے خلائی مشن میں نئے باب کا آغاز ہو سکتا ہے۔

اسرو نے ایک بیان میں کہا کہ انفلیٹیبل ایرڈائنامک ڈیسیلیٹر (آئی ای ڈی) ٹکنالوجی کا صوتی روہنی راکٹ کا استعمال کرتے ہوئے ترواننتاپورم کے قریب تھوبا میں تجربہ کیا گیا۔

کسی تیز رفتار چیز کے سائز کو اس کی حرکت پذیر حالت میں بڑھا کر ایروڈائینامکس کے اثر سے رفتار کو کم کرنے کی ایک نئی تکنیک کا کامیاب مظاہرہ مستقبل کے مشنوں کے لیے بہت سے ایپلی کیشنز کے ساتھ زمین کی تزئین کو تبدیل کرنے والی پیش رفت ثابت ہو سکتا ہے۔

اسرو کے مطابق "وکرم سارابھائی اسپیس سنٹر (وی ایس ایس سی) تھرواننتا پورم کے ذریعہ ڈیزائن اور تیار کردہ ایک آئی اے ڈی کا آج دوپہر 12.20 بجے ٹیلرس، تھوبا سے روہنی ساؤنڈنگ راکٹ میں کامیاب تجربہ کیا گیا۔" ٹیسٹ کے دوران آئی اے ڈی کو ابتدائی طور پر جوڑ کر راکٹ پر پے لوڈ بے کے اندر رکھا گیا تھا۔

تقریباً 84 کلومیٹر کی اونچائی پر پہنچنے کے بعد آئی اے ڈی کو پھلایا گیا تھا اور آواز دینے والے راکٹ کے پے لوڈ والے حصے کے ساتھ فضا میں نیچے اترا۔ آئی اے ڈی کو بڑھانے کے لیے نیومیٹک نظام کو مائع پروپلشن سسٹم سینٹر (ایل پی ایس سی) نے تیار کیا ہے۔اسرو نے کہا ہے کہ یہ پہلا موقع ہے جب آئی اے ڈی کو خاص طور پر راکٹ کو محفوظ طریقے سے بازیافت کرنے کے لیے ڈیزائن کیا گیا ہے۔

تنظیم کے مطابق یہ مشن اپنے تمام مقاصد میں کامیاب رہا۔ بیان میں کہا گیا ہے کہ آئی اے ڈی ٹیکنالوجی کی یہ ایپلی کیشن مستقبل میں راکٹ کو محفوظ لینڈنگ، مریخ یا زہرہ پر پے لوڈز کی لینڈنگ اور انسانی خلائی پرواز کے مشن کے لیے خلائی رہائش گاہیں بنانے میں بہت مددگار ثابت ہوگی۔

اس ٹیسٹ کو اسرو کے سینئر عہدیداروں نے دیکھا۔ ان میں ڈاکٹر ایس اننی کرشنن نائر، ڈائریکٹر، وی ایس ایس سی اور ڈاکٹر وی نارائنن، ڈائریکٹر وی ایس ایس سی شامل تھے۔

from Qaumi Awaz https://ift.tt/uLMiYay

چلو اردو بولتے ہیں۔

 

https://livexp.com/Jawaid738

میرا نام جاوید ہے، اور میں آپ کو پڑھانے کا منتظر ہوں۔ میں اس وقت اپنے آبائی ملک پاکستان میں مقیم ہوں، لیکن میں کئی سالوں سے امریکہ، سعودی عرب، کویت اور سوڈان میں بھی مقیم ہوں۔ میں نیویارک میں واقع یونیورسٹی سے بزنس میں بیچلر آف سائنس (BS) کی ڈگری رکھتا ہوں۔

میری مادری زبان کے طور پر، اردو میرے پاس فطری طور پر آتی ہے، اور مجھے بچوں اور بڑوں کو گفتگو کے ساتھ ساتھ اردو اور انگریزی لکھنے کا بھی تجربہ ہے۔ میں اپنے طلباء کے ساتھ صبر اور حوصلہ افزائی کرتا ہوں، اس بات کو یقینی بناتا ہوں کہ میں ان کی ضروریات کے مطابق ڈھل رہا ہوں اور انہیں وہ علم اور اعتماد فراہم کرتا ہوں جو آسانی کے ساتھ غیر ملکی زبان بولنے کے لیے درکار ہے۔ میرے ساتھ سیکھتے وقت غلطیاں کرنے کی فکر نہ کریں: میں ہمیشہ آپ کی بہتری کی طرف رہنمائی کروں گا۔

میں انگریزی اور اردو میں گفتگو کے ساتھ ساتھ پڑھنے/لکھنے کے کورس بھی فراہم کرتا ہوں۔ اگر آپ کے پاس کوئی دلچسپی کے موضوعات ہیں، تو براہ کرم آگے بڑھیں اور انہیں تجویز کریں، اور میں ان میں فٹ ہونے کے لیے اپنے کورس کو ایڈجسٹ کروں گا۔ متبادل کے طور پر، میں سکھانے کے لیے اپنے ہی منظرنامے استعمال کرتا ہوں، جن میں کاروباری ترتیبات، خریداری، سفر وغیرہ شامل ہیں۔ زبان سیکھنے اور اسے اعتماد سے بولنا سیکھنے میں بہت بڑا فرق ہے، اور میں اس فرق کو پر کرنے اور آپ کی ہچکچاہٹ کو دور کرنے میں آپ کی مدد کرنے کا ارادہ رکھتا ہوں۔

https://livexp.com/Jawaid738