بچوں کے موبائل اور کمپیوٹر سے چپکے رہنے سے والدین پریشان، 89 فیصد ہندوستانی مائیں تشویش میں مبتلا، رپورٹ میں انکشاف

والدین بچوں کے موبائل اور کمپیوٹر سے چپکے رہنے سے کافی پریشان رہتے ہیں اور ایک بار عادی ہونے کے بعد بچوں کو اس طرح کے آلات سے دور کر پانا مشکل تر ہوتا جا رہا ہے۔ ایک رپورٹ میں انکشاف ہوا ہے کہ ہندوستان کی بیشتر مائیں بچوں کی اس عادت سے تشویش میں مبتلا ہیں۔ مارکیٹ ریسرچ کمپنی ’ٹیک آرک‘ کی مدر ڈے کے موقع پر یہ تشویشناک رپورٹ سامنے آئی، جس میں کہا گیا ہے کہ 89 فیصد ہندوستانی مائیں بچوں کے اسکرین ٹائم کی وجہ سے حد درجہ فکر مند ہیں۔ اتوار (12 مئی، مدر ڈے) کو جاری اس رپورٹ میں ایسی 600 کام کرنے والی ماؤں کے درمیان کیے گئے سروے کا نتیجہ پیش کیا گیا ہے جن کا کم از کم ایک بچہ تیسری سے چوتھی جماعت میں پڑھتا ہے۔

وہ 10 سال سے ’نوٹوں کی گنتی‘ کر رہے، ہم ’ذات پر مبنی گنتی‘ کے ذریعے ہر طبقہ کی شراکت کو یقینی بنائیں گے: راہل گاندھی

سروے کرنے والی کمپنی ’ٹیک آرک‘ نے ان خواتین سے ڈیجیٹل ماحولیاتی نظام میں ان کے خدشات، ان کو درپیش چیلنجس، ان کی دلچسپیوں اور ان کی ترجیحات کے بارے میں سوال کیا۔ رپورٹ میں کہا گیا ہے کہ ماؤں کا خیال ہے کہ اسکرین ٹائم میں اضافہ ان کے بچوں کی تعلیم کو متاثر کرتا ہے اور ان کی ذہنی و جسمانی نشو نما نیز سماجی صحت پر منفی اثرات مرتب کرتا ہے۔

ارے میں تو پھنس گیا اڈانی امبانی کے چکر میں...سہیل انجم

رپورٹ کے مطابق ماؤں کے سب سے بڑے خدشات میں سے پرائیویسی (81 فیصد)، نامناسب مواد (72 فیصد)، نوعمروں کو متاثر کرنے والے (45 فیصد) اور ڈیپ فیک (26 فیصد) ہیں۔ ان ماؤں کا خیال ہے کہ مستقبل میں ڈیپ فیک اور زین اے آئی والدین کے لیے ایک بڑی تشویش بن جائے گی۔ ڈیوائسیز کی بات کریں تو مستقبل کے لیے سب سے بڑی تشویش و ی آر ہیڈ سیٹ ہے، خاص طور پر ایپل ورژن پرو کی لانچنگ کے بعد۔

دہرادون اسمارٹ سٹی پروجیکٹ پر بی جے پی کے ایک اور رکن اسمبلی نے اٹھائے سوال

سروے کے دوران حالانکہ ماؤں نے یہ بھی تسلیم کیا کہ پانچ سال قبل کے بالمقابل آج کی ڈیجیٹل دنیا بچوں کے لیے زیادہ مفید اور ان کے مزاج سے ہم آہنگ ہے۔ رپورٹ کے مطابق 60 فیصد سے زائد مائیں اپنے بچوں کے لیے جتنی رقم خرچ کرتی ہیں اس کا 51 سے 85 فیصد حصہ آن لائن شاپنگ پر خرچ کرتی ہیں۔ جبکہ 20 فیصد ڈیجیٹل خدمات حاصل کرنے والی خواتین کے معاملے میں یہ تعداد 85 فیصد سے زیادہ ہے۔ وہ اپنے بچوں کے لیے سب سے زیادہ خریداری ایمیزون پر، سویگی پر کھانوں کے آرڈر دینے اور ہاٹ اسٹار پر تفریحی پیکجز خریدنے میں کرتی ہیں۔

from Qaumi Awaz https://ift.tt/CdmvT5V