اوپن اے آئی کا نیا ڈیمو شرمندہ کرنے والا: ایلون مسک

نئی دہلی: ٹیسلا اور اسپیس ایکس کے سی ای او ایلون مسک نے ایک بار پھر منگل کو اوپن اے آئی پر تنقید کی۔ سیم آلٹ مین کی قیادت والی کمپنی کے نئے ماڈل کے بارے میں ان کا کہنا تھا کہ یہ شرمناک ہے۔ دراصل، مصنف ایشلے سینٹ کلیئر نے ایکس پر پوسٹ کیا کہ اوپن اے آئی کے ساتھ انسان اب ریئل ٹائم میں اے آئی کی حقیقت کا احساس کر سکتا ہے۔ اور ’’ہم نے شاید بعد از حقیقی دور کو مزید بدتر دور میں تبدیل کر دیا ہے۔

پیشہ ورانہ غفلت پر وکلاء کے خلاف مقدمہ نہیں چلایا جا سکتا، سپریم کورٹ

اس کے جواب میں ایلون مسک نے کہا، ’’نیا ڈیمو شرمناک ہے۔‘‘ یاد رہے کہ ایلون مسک کو اوپن اے آئی کا سخت ناقد سمجھا جاتا ہے۔ اسی دوران ایک اور ایکس صارف نے تبصرے میں لکھا کہ ہم گورک کے ڈیمو ورژن (ایکس کی جانب سے تیار کیا جا رہا اے آئی ماڈل) کا بے صبری سے انتظار کر رہے ہیں۔

عام آدمی پارٹی کی ’واشنگ مشین‘ مہم، بی جے پی پر سنگین الزامات عائد کئے

مسک کی جانب سے مارچ میں اوپن اے آئی اور اس کے سی ای او آلٹ مین کے خلاف مقدمہ دائر کیا گیا تھا۔ یہ مقدمہ اے آئی کے معاہدے کی شرائط کو توڑنے سے متعلق تھا۔ اوپن اے آئی نے بھی اس مقدمے کا جواب دیا اور کہا، ’’مسک چاہتے ہیں کہ ہم ٹیسلا کے ساتھ ضم ہو جائیں یا وہ کمپنی کا مکمل کنٹرول حاصل کر لیں۔‘‘ آلٹ مین نے کہا، ’’مسک نے یہ سوچ کر اوپن اے آئی‘ چھوڑ دیا کہ کمپنی ناکام ہو جائے گی۔‘‘

وارانسی میں کاغذات نامزدگی داخل کرنے پہنچے وزیر اعظم مودی سے کانگریس نے پوچھے تلخ سوالات

چیٹ جی پی ٹی چلانے والے اوپن اے آئی کی جانب سے پیر کو جی پی ٹی-4او کی نقاب کشائی کی گئی تھی۔ یہ ایک فلیگ شپ ماڈل ہے جو کہ جی پی ٹی 4 کی سطح کی ذہانت فراہم کرتا ہے۔ اس کی وجہ سے اے آئی ماڈلز کے ٹیکسٹ، آواز اور وژن میں پہلے سے زیادہ تیزی اور بہتری دیکھنے میں آئی ہے۔ اس کے بعد چیٹ جی پی ٹی 50 سے زیادہ زبانوں میں دستیاب ہے۔

from Qaumi Awaz https://ift.tt/c2okTrH