ایپل کا ’آئی فون 14‘ سات ستمبر کو متعارف کرانے کا اعلان

امریکہ کی بڑی ٹیکنالوجی فرم ایپل نے اپنا نیا ’آئی فون‘ (آئی فون 14) 7 ستمبر کو متعارف کرانے کا اعلان کیا ہے۔ نئے آئی فونز مصروف موسم خزاں کا آغاز کریں گے جس میں متعدد نئے میکس، کم قیمت اور بیش قیمت آئی پیڈز اور ایپل واچز کے تین نئے ماڈل بھی شامل ہوں گے۔

ایپل ٹیکنالوجی کی صنعت کے لیے ایک غیر یقینی صورت حال میں اپنی فلیگ شپ مصنوعات کی جدید شکلیں متعارف کرارہی ہے۔ البتہ اس نے غیرمتزلزل معیشت میں اپنی معاصر کمپنیوں کے مقابلے میں بہتر کارکردگی کا مظاہرہ کیاہے۔ آئی فون گذشتہ سہ ماہی میں نمایاں فروخت ہوا ہے اور کمپنی نے سپلائرز کو اشارہ دیا ہے کہ اس کی طلب میں کمی کا کوئی امکان نہیں ہے۔

کمپنی اس تقریب کو آن لائن اسٹریم کرنے کا ارادہ رکھتی ہے۔ بجائے اس کے کہ وہ لوگوں کا اجتماع منعقد کرے، وہ کورونا وائرس کی وبا کے آغاز میں اپنائی گئی حکمتِ عملی کو جاری رکھے گی۔ بلوم برگ نیوز نے خبر دی ہے کہ ایپل کے ملازمین نے گذشتہ چند ہفتہ کے دوران میں نئی مصنوعات کی پیش کاری کے پروگرام کی ریکارڈنگ شروع کر دی ہے۔

کمپنی نے جون میں اپنی گذشتہ تقریب منعقد کی تھی۔ اس میں اس نے سافٹ ویئر اپ ڈیٹس کے اگلے سیٹ آئی او ایس 16، آئی پی اے ڈی او ایس 16، واچ او ایس 9 اور میک او ایس وینٹورا کا اعلان کیا تھا اور پریس اور ڈویلپرز کو پیش کش کی ویڈیو دیکھنے کے لیے اپنے کیمپس میں مدعو کیا تھا۔

پیر کو کمپنی نے اپنے کارپوریٹ عملہ کو بتایا کہ انھیں مصنوعات کے طے شدہ اعلان سے دو دن قبل 5 ستمبرسے ہفتے میں تین دن ذاتی طور پر کام کرنا ہوگا۔

نیا معیاری آئی فون 14 آئی فون 13 کی طرح نظر آئے گا، اگرچہ کمپنی 5.4 انچ منی ورژن کو ختم کرے گی اور 6.7 انچ سکرین کے ساتھ ایک ماڈل شامل کرے گی۔ نیز ایپل پہلی مرتبہ اس سائز کے ڈسپلے کے ساتھ ایک غیر پرو آئی فون لانچ کرے گی۔

کمپنی آئی فون 14 پرو لائن کے لیے بڑی تبدیلیوں کی منصوبہ بندی کر رہی ہے۔ ایپل فرنٹ فیسنگ کیمرے کے کٹ آؤٹ کی جگہ لے گا۔ اسے نوچ کے نام سے جانا جاتا ہے، فیس آئی ڈی سینسرز کے لیے گولی کی شکل کا سوراخ اور کیمرے کے لیے ہول پنچ سائز کی جگہ ہوگی۔ اس سے صارفین کو قدرے بڑی سکرین ملے گی۔ کمپنی آئی فون 14 پرو میں تیز رفتار چپ بھی شامل کر رہی ہے۔ایپل آئی فون 14 کے ماڈلز میں آئی فون 13 والی اے 15 چپ برقرار رکھے گی۔

آئی فون 14 پرو میں سب سے اہم تبدیلیاں کیمرا سسٹم میں ہوں گی، جو صارفین کو قدرے بڑا نظر آئے گا۔ پرو ماڈلز کو 12 میگا پکسل الٹرا وائڈ اور ٹیلی فوٹو سینسرزکے ساتھ 48 میگا پکسل کا وائیڈ اینگل کیمرا ملے گا۔ ایپل ویڈیو ریکارڈنگ اور بیٹری کی میعاد میں بہتری کی منصوبہ بندی بھی کر رہی ہے۔

سیریز 8 کے نام سے مشہورتازہ ترین ایپل واچز کے لیے ایپل خواتین کی صحت کے لیے فیچرز اور باڈی درجہ حرارت سینسر شامل کرے گی۔نئی معیاری گھڑی سیریز7 کی طرح نظر آئے گی، لیکن ایک نیا پرو ماڈل بھی اس کے بعد متعارف کرائے گی۔ اس میں ایک بڑا ڈسپلے،نئی فٹنس ٹریکنگ فیچرز اور بیٹری زیادہ وقت نکالنے والی ہوگی۔کمپنی تیزرفتار چپ کے ساتھ اپنی کم قیمت اسمارٹ واچ ایپل واچ ایس ای کی نئی منصوبہ بندی بھی کر رہی ہے۔

اس کے علاوہ ستمبرمیں کمپنی بعض اور مصنوعات بھی متعارف کرارہی ہے ان میں : آئی او ایس 16, سافٹ ویئر ہے جو اگلے آئی فونز پر چلے گا, اور واچ او ایس 9, اگلا ایپل واچ آپریٹنگ سسٹم اور کمپنی آئی پیڈ او ایس، آئی پیڈ کے آپریٹنگ سسٹم کے ساتھ اکتوبر میں میک او ایس وینٹورا لانچ کرنے کا ارادہ رکھتی ہے۔ مؤخرالذکرسافٹ ویئربعض فنی نقائص کی وجہ سے قریباً ایک ماہ تاخیرکا شکار ہوا ہے۔

from Qaumi Awaz https://ift.tt/3AlaU0N

آزادی کے 75 سال: نہرو کی سائنسی سوچ کا کمال، زمین سے آسمان تک ترقی... عمران خان

ہندوستان جب 15 اگست 1947 کو آزاد ہوا تو ہمیں بے شمار دشواریوں کا سامنا کرنا پڑا۔ بھوک کا مسئلہ تھا، طبی سہولیات میسر نہیں تھیں، سڑکیں نہیں تھیں، نقل و حرکت کے وسائل نہیں تھےاور جدید سائنس اور ٹیکنالوجی کی تعلیم و تربیت کے لئے ادارے بھی موجود نہیں تھے ۔سینکڑوں برسوں غیروں کی غلامی کی زنجیروں میں جکڑے ہندوستان کی باگڈور جب پہلے وزیر اعظم جواہر لال نہرو نے سنبھالی تو انہوں نے ایک ایسے جدید ہندوستان کا خواب دیکھا جس میں شہریوں کو تمام سہولیات میسر ہوں اور ملک ترقی یافتہ ممالک کی صف میں کھڑا ہو۔ جواہر لال نہرو نے صرف خواب ہی نہیں دیکھا بلکہ اسے شرمندہ تعبیر کرنے کے لئے کام بھی کیا اور آج جب ہم 75واں آزادی منا رہے ہیں تو ہمیں محسوس ہوتا ہے کہ ہم نے اس سفر کا بہت بڑا حصہ عبور کر لیا ہے اور دنیا میں آج ہندوستان کو عزت کی نظروں سے دیکھا جاتا ہے۔

اہم اداروں کا قیام

جواہر لال نہرو نے ہندوستان میں سائنس اور ٹکنالوجی کی بنیاد رکھی اور سائنسی سوچ کو فروغ دیا ۔ ان کی سرپرستی میں ہندوستان کے دفاعی شعبہ میں 3 بنیادی اکائیاں قائم کی گئیں ، دفاعی تحقیق کے لیے ڈیفنس ریسرچ اینڈ ڈیولپمنٹ آرگنائزیشن(ڈی آر ڈی او) ، جوہری توانائی کی ترقی کے لیے ایٹامک انرجی کمیشن اور خلائی تحقیقی کے لئے انڈین سپیس ریسرچ آرگینائیزیشن (اسرو) قائم کیا گیا۔پنڈت نہرو کا خیال تھا کہ غربت ، چھواچھوت، مذہبی توہم پرستی اور پسماندگی جیسے مسائل کا حل سائنس میں ہی پوشیدہ ہے کیونکہ مستقبل سائنس کا ہی ہے۔ اس لیے وہ سائنس کی ترقی کے لیے پرعزم تھے اور آزادی حاصل کرنے کے بعد نئی قوم کی تعمیر میں سائنس کے کردار کو سب سے اوپر رکھا۔

ہندوستان میں 1948 سے 1964 کے دوران آئی ٹی آئی، پلانگ کمیشن، آئی آئی ٹی، ایمس، سیل، او این جی سی، ڈی آر ڈی او، آئی آئی ایم، اسرو اور بھیل جیسے کئی ادارے قائم کئے گئے، جو ہندوستان میں سائنس کی ترقی کے معاون بنے۔ اس کے علاوہ انہوں نے کئی بڑے باندھ، کارخانہ، فیکٹریاں اور صنعتیں قائم کیں جنہوں نے آزاد ہند کو جدیدیت کے راستہ پر چلایا۔ اس کے بعد ملک نے سائنس اینڈ ٹیکنالوجی میں مثالی ترقی کی اور کئی شعبوں میں آج ملک ترقی یافتہ ممالک کی فہرست میں شامل ہے۔ یومِ آزادی کے موقع پر ہندوستان کی سائنس اینڈ ٹیکنالوجی کی ترقی پر ایک نظر ڈالتے ہیں۔

زرعی شعبہ کا سبز انقلاب

آزادی کے بعد ہندوستان میں اناج اور دیگر زرعی مصنوعات کی بھاری قلت تھی۔ سینچائی کے ذرائع کی کمی تھی ، کیمیائی کھاد کا فقدان تھا اور ان بنیادی سہولیات کی عدم موجودگی کی وجہ سے ملک میں گیہوں کی پیداوار انتہائی کم ہوتی تھی۔ اس مسئلہ سے نمٹنے کے لئے 1960 میں غیر ممالک سے ہائبرڈ بیج درآمد کئے گئے، مگر نئی قسم کے بیجوں کی پیداوار کے لئے سینچائی کے لئے زیادہ پانی، کیمیائی کھاد اور کرم کش کی ضرورت تھی لہذا حکومت نے سینچائی کے لئے نظام تیار کیا اور کھاد وغیرہ پر سبسڈی فراہم کی۔ اس کے نتیجہ میں سبز انقلاب کا ظہور ہوااور دیکھتے ہی دیکھتے ہندوستان کے گودام اناج سے بھر گئے اور ملک کے لوگوں کی فاقہ کشی دور ہوئی۔

صحت کے شعبہ میں انقلاب

آزادی کے وقت طاعون، چیچک، ملیریا، ہیضہ جیسی بیماریاں وبائی شکل اختیار کر کے ہزاروں جانیں لے لیتی تھیں۔حکومت ہند نے وباؤں سے مقابلہ کے لئے وسائل فراہم کئے اور طاعون کو 1950 تک پوری طرح ختم کر دیا گیا۔ اس کے علاوہ جذام، ڈپتھیریا، میعادی بخار، کالی کھانسی، نمونیا اور ریبیز جیسی بیماریوں کو دور کرنے کے لئے عوامی نظام صحت کو مضبوط کیا گیا اور ٹیکہ کاری مہم چلا کر عوام میں قوت مدافعت پیدا کی ۔ طبی ماہرین کی کمی کے پیش نظر نئے میڈیکل کالج قائم کئے گئے۔ 1946 میں ملک میں 15 میڈیکل کالج تھے وہیں 1965 میں ان کی تعداد بڑھ کر 81 ہو گئی۔ اس کے بعد نطام صحت میں جو بہتری آئی اسے اس امر سے سمجھا جا سکتا ہے کہ 1947 میں لوگوں کی اوسط عمر صرف 32 سال تھی ، جبکہ 60 کی دہائی تک بڑھ کر 42 سال اور آج یہ بڑھ کر 70 سال ہو چکی ہے۔

ہندوستان میں 1956 میں ایمس (آل انڈیا انسٹی ٹیوٹ آف میڈیکل سائنسز ) کا قیام کیا گیا، جوکہ وزارت صحت کے دائرہ اختیار میں آتا ہے۔یہ ایک ایسا ادارہ ہے جو ہندوستان ہی نہیں بلکہ ایشیا میں میڈیکل ریسرچ کا مرکز مانا جاتا ہے۔

خلائی شعبہ کی ترقی، چاند اور مریخ تک رسائی

ہندوستان نے اپنا سب سے پہلا سیٹیلائٹ یعنی مصنوئی سیارہ ’آریہ بھٹ‘ 1975 میں خلا میں روانہ کیا ۔ جسے ہندوستان کی خلائی تحقیق تنظیم ’اسرو‘ نے سویت یونین (روس) کی مدد سے تیار کیا تھا۔ اس کا مقصد ایکس رے فلکیات، ایرونومکس اور سولر فزکس میں تجربہ کرنا تھا۔ اس پہلے مشن کے کامیاب ہونے کے بعد ہندوستان نے خلائی شعبہ میں کبھی پیچھے مڑکر نہیں دیکھا۔ اسرو کی ترقی کا اندازہ اس بات سے لگایا جا سکتا ہے کہ آج ہندوستان ان چند ممالک میں شامل ہے جنہوں نے اپنے مشن چاند اور مریخ پر بھیجے ہیں اور جو اپنے نہیں بلکہ غیر ملکی سیٹیلائٹ بھی خلا میں روانہ کر رہا ہے۔ ہندوستان نے ’چندریان ‘ کے نام سے چاند پر مشن بھیجا تھا۔ چندریان سے سب سے پہلے چاند پر منجمد شکل میں پانی کی موجودگی کا پتہ دیا تھا۔ ہندوستان اب چاند پر چندریان 2 کی تیاری کر رہا ہے۔ اسی کے ساتھ ہندوستان انسان کو بھی خلا میں بھیجنے کی تیاری کر رہا ہے۔

ٹیلی ویزن اور کمپیوٹر کا انقلاب

ہندوستان میں ٹی وی براڈکاسٹ کی شروعات 1959 میں ہوئی اور 1982 میں رنگین ٹیلی کاسٹ کی شروعات ہوئی۔ اس کے بعد 1980 کے عشرے کو دوردرشن کا دور کہا جاتا ہے۔ سال 1992 میں نجی ٹی وی چینلوں کی شروعات ہوئی اور پھر نیوز چینلوں کا بھی دور شروع ہو گیا۔ہندوستان میں آج 900 کے قریب نجی ٹی وی چینل ہیں، جبکہ نیوز چینلوں کی تعداد 392 ہے۔

کمپیوٹر کی بات کریں تو ہندوستان میں سب سے پہلے کمپیوٹر 1952 میں کولکاتا میں لایا گیا تھا، اسے انڈین انسٹی ٹیو آف سائنس میں لگایا گیا تھا۔ مگر کمپیوٹر کے دور کی حقیقی شروعات 1956 میں ہوئی جب پہلا ڈیجیٹل کمپیوٹر لگایا گیا۔ اس وقت ہندوستان جاپان کے بعد ایشیا کا دوسرا ایسا ملک تھا جہاں کمپیوٹر ٹیکنالوجی کا استعمال ہو رہا تھا ۔ اتنا ہی نہیں ہندوستان نے پرم کے نام سے سے اپنا دیسی ساختہ سُپر کمپیوٹر بھی 90 کے عشرے میں تیار کر لیا۔ دراصل 1987 میں امریکی صدر رونالڈ ریگن اور وزیر اعظم راجیو گاندھی میں ہندوستان کو سپر کمپیوٹر فراہم کرنے کا معاہدہ کیا گیا تھا لیکن بعد میں انہوں نے اس سے انکار کر دیا۔ اس کے بعد راجیو گاندھی کی ہدایت پر 1988 میں سینٹر فار ڈیولپمنٹ آف ایڈوانس کمپیوٹنگ (سی-ڈیک) کا قیام کیا گیااور اگلے تین سالوں میں ملک کا پہلا سپر کمپیوٹر ’پرم 8000‘ تیار ہوا۔

آج ہندوستان میں براڈ بینڈ کے ذریعے ہائی اسپیڈ انٹرنیٹ کی فراہمی کی جا رہی ہے۔ اسکولوں، اسپتالوں، کمپنیوں یہاں تک کہ دکانوں تک میں کمپیوٹر کا استعمال ہو رہا ہے۔ کمپیوٹر اور لیپ ٹاپ کا یہاں ایک بڑا بازار موجود ہے اور ملک کے سافٹ ویئر ڈیولپرز دنیا میں نام کما رہے ہیں۔

موبائل فون کی ترقی

ہندوستان میں پہلی موبائل کال 1995 میں کی گئی تھی اور جس فون پر کال کی گئی تھی وہ نوکیا کمپنی کا تھا۔ آج ہندوستان میں تقریباً ہر ہاتھ میں ایک موبائل ہے اور یہ لوگوں کی زندگی کا حصہ بن چکا ہے۔ ہندوستان موبائل کی ایک بہت بڑی منڈی بھی ہے لہذا سال 2018 میں سیم سنگ ہندوتان میں موبائل تیار کرنے کی سب سے بڑی فیکٹری قائم کی ہے جوکہ نوئیڈا میں موجود ہے۔ اس فیکٹری میں ہر سال 12 کروڑ موبائل تیار ہوتے ہیں۔ ہندوستان میں موبائل انٹرنیٹ کی 4 جی خدمات دستیاب ہیں اور جلد ہی 5جی کی بھی شروعات ہو جائے گی۔

ہندوستان نے ان 74 سالوں میں مثالی ترقی کی ہے تاہم ابھی بہت کام کئے جانے کی ضرورت ہے۔ سائنس اینڈ ٹیکنالوجی کی اتنی ترقی کے باوجود ملک میں فرقہ پرستی اور توہم پرستی کا مسئلہ آج بھی برقرار نظر آتا ہے۔ اس کے علاوہ عدم مساوات میں اضافہ ہو رہا ہے، امیر اور امیر ہو رہے ہیں ، غریب اور غریب ہوتے جا رہے ہیں۔کچھ علاقوں میں غذائی قلت اور بنیادی سہولیات کی محرومی آج بھی نظر آتی ہے ۔بہتر سیاست اور دوراندیش پالیسیوں سے ہی ان مسائل کو حل کیا جا سکتا ہے اور اگر یہ سب ہوا تو ہندوستان نہ صرف سائنس اینڈ ٹیکنالوجی کے شعبہ میں مزید بلندیوں پر پرواز کر ےگا بلکہ ملک کے پسماندہ اور محروم طبقوں کو بھی پستی سے باہر نکال سکتا ہے۔ اس میں کوئی دور ائے نہیں کہ ہم نے ماضی کے چیلنجوں کو بہت خوبصورتی سے حل کیا ہے لیکن ضرورت اس بات کی ہے کہ ہمیں اس ترقی کو مزید آگے لے کر جانا ہے۔

from Qaumi Awaz https://ift.tt/MlECghy

نوعمروں کو ٹیکہ کاری سے کم خطرہ، ہندوستانی ماہر کے زیر قیادت مطالعہ میں انکشاف

سڈنی: کیرالہ میڈیکل کالج کے ایک سابق طالب علم اور بچوں کے امراض قلب کے ماہر نے کورونا سے متعلق ایک تحقیق انجام دی ہے، جس میں نوعمروں میں ویکسین سے وابستہ مایوکارڈائٹس کے خطرے کا انکشاف ہوتا ہے۔ آسٹریلیا کی موناش یونیورسٹی کے محققین نے نوعمروں میں ویکسین سے وابستہ مایوکارڈائٹس کے خطرے پر اپنی تحقیق کی بنیاد پر کہا ہے کہ یہ خطرہ ہلکا اور کووڈ 19 کے طویل مدتی خطرے سے زیادہ ہے۔

یہ تحقیق پیر کے روز آسٹریلیا کے میڈیکل جرنل میں شائع ہوئی، جس میں 12 سے 18 سال کی عمر کے 33 نوجوانوں کی میڈیکل ہسٹری کا مطالعہ کیا گیا جو کووڈ 19 سے حاصل شدہ مایوکارڈائٹس کی خصوصی علامات کے ساتھ موناش چلڈرن اسپتال نے پیش کی تھی۔

موناش ہارٹ اور موناش چلڈرن اسپتال کے ماہر امراض اطفال ڈاکٹر سورج ورما کی سربراہی میں کیا گیا۔ بچوں کے ایک اسپتال میں کیا گیا یہ اب تک کا سب سے بڑا ۔ ڈاکٹر ورما کا تعلق کوزی کوڈ کے گورنمنٹ میڈیکل کالج سے ہے۔ ڈاکٹر ورما اور ان کی ٹیم نے کہا کہ مریض اوسطاً دو دن میں ٹھیک ہو جاتا ہے۔

خیال رہے کہ مایوکارڈٹس ایک وائرل انفیکشن ہے جو دل کے پٹھوں میں سوزش کا باعث بنتا ہے اور یہ ایم آر این اے ویکسین کا ایک نادر ضمنی اثر ہے۔

from Qaumi Awaz https://ift.tt/rVF15sE

اسرو کا سب سے چھوٹا راکٹ ’ایس ایس ایل وی‘ لانچ، آخری مراحل میں رابطہ منقطع

نئی دہلی: انڈین اسپیس ریسرچ آرگنائزیشن (اسرو) نے آج یعنی 7 اگست 2022 کو ملک کا نیا راکٹ اسمال سیٹلائٹ لانچ وہیکل (ایس ایس ایل وی) لانچ کر دیا۔ اسے آندھرا پردیش کے سری ہری کوٹا میں ستیش دھون خلائی مرکز سے لانچ کیا گیا، تاہم راکٹ کو ہدف تک پہنچنے میں رکاوٹ کا سامنا ہے اور اس کا سیٹلائٹ سے ڈیٹا حاصل ہونا بند ہو گیا ہے۔ اسرو نے کہا ہے کہ وہ سیٹلائٹ ڈیٹا کا تجزیہ کر رہی ہے۔

اسرو نے ٹوئٹ کیا کہ وہ آج صبح سری ہری کوٹا کے خلائی مرکز سے اپنے سب سے چھوٹے راکٹ ایس ایس ایل وی - ڈیک1 کے لانچ کے حوالہ سے "ڈیٹا کا تجزیہ" کر رہی ہے، جس نے زمین کا مشاہدہ کرنے والا سیٹلائٹ اور ایک اسٹوڈنٹ سیٹلائٹ لے کر گیا تھا۔ اسرو کے چیئرمین ایس سومناتھ نے کہا، "ایس ایس ایل وی - ڈی1 نے تمام مراحل پر توقع کے مطابق کارکردگی کا مظاہرہ کیا۔ مشن کے ٹرمینل مرحلے میں، ڈیٹا کا کچھ نقصان ہو رہا ہے۔ ہم ایک مستحکم مدار کو حاصل کرنے کے سلسلے میں مشن کے حتمی نتائج تک پہنچنے کے لیے ڈیٹا کا تجزیہ کر رہے ہیں۔‘‘

ایس ایس ایل وی 34 میٹر لمبا ہے جو پی ایس ایل وی سے تقریباً 10 میٹر کم ہے اور پی ایس ایل وی کے 2.8 میٹر کے مقابلے اس کا قطر دو میٹر ہے۔ پی ایس ایل وی کا وزن 320 ٹن ہے، جبکہ ایس ایس ایل وی کا وزن 120 ٹن ہے۔ پی ایس ایل وی 1800 کلوگرام وزنی پے لوڈ کو لے سکتا ہے۔ ملک کی پہلی سیٹلائٹ لانچ وہیکل 3، جسے 1980 میں لانچ کیا گیا تھا، 40 کلوگرام تک کا پے لوڈ لے جا سکتا تھا۔

from Qaumi Awaz https://ift.tt/vLqTwBF

ایلون مسک نے ٹویٹر پر عائد کئے دھوکہ دہی کے الزامات، عدالت میں داخل کیا جواب

سان فرانسسکو: ٹیسلا کے سی ای او ایلون مسک نے ٹویٹر پر دھوکہ دہی کے الزامات عائد کئے ہیں۔ مائیکرو بلاگنگ کمپنی ٹویٹر اور مسک کے درمیان معاہدے پر قانونی تنازعہ کے درمیان ٹیسلا کے سی ای او نے الزامات عائد کئے کہ ٹویٹر نے اپنے کاروبار کے بارے میں انہیں اس وقت گمراہ کن معلومات دی جب انہوں نے 44 بلین ڈالر کے معاہدے پر دستخط کیے تھے۔ ٹیسلا کے سی ای او نے یہ دعویٰ ٹویٹر کی جانب سے ڈیل کو منسوخ کرنے کے بجائے مکمل کرنے پر دائر کیے گئے مقدمے کے جواب میں دائر کیا۔

عدالت میں داخل کیے گئے اپنے جواب میں ایلون مسک نے مؤقف اختیار کیا کہ ٹوئٹر پر اصل صارفین کے حوالے سے انہیں جو اعداد شمار دیے گئے، اصل صارفین کی تعداد اس سے کافی کم ہے۔ انہوں نے کہا کہ اب اپنی دھوکہ دہی کا پردہ فاش ہونے کے خوف میں ٹوئٹر ان پر درست معلومات تک رسائی کے راستے بند کر رہی ہے۔

خیال رہے کہ ایلون مسک سے قبل ٹوئٹر نے عدالت میں پیش کیا گیا اپنا موقف عوام کے سامنے رکھ دیا تھا جس کے جواب میں ایلون مسک کی جانب سے بھی عدالت میں داخل کیا گیا اپنا جواب عوام کے سامنے پیش کیا گیا ہے۔

ٹوئٹر نے مؤقف اختیار کیا تھا کہ ایلون مسک 44 ارب ڈالر کے معاہدے سے بچنے کے لیے فرضی جواز بنا رہے ہیں، ایلون مسک کی کہانی تصوراتی اور معاہدے سے بچنے کی کوشش ہے کیونکہ حصص میں کمی کے باعث وہ اس معاہدے کو پرکشش تصور نہیں کرتے جبکہ خود ان کی اپنی ذاتی دولت میں کمی آئی ہے۔

from Qaumi Awaz https://ift.tt/6s1OHqC

ای وی ایکسپو 2022 دہلی میں 5 اگست سے شروع، متعدد نئی الیکٹرک گاڑیاں لانچ کی جائیں گی

نئی دہلی: ہندوستان کا مشہور ماحول دوست الیکٹرک وہیکل ٹیکنالوجی میلہ 'ای وی ایکسپو' نئی دہلی میں اپنے 15 ویں ایڈیشن کے ساتھ شروع ہونے جا رہا ہے۔ اس میلہ کا انعقاد 5 تا 7 اگست 2022، پرگتی میدان کے ہال نمبر 11 میں کیا جا رہا ہے۔ ایکسپو کا افتتاح مائیکرو، چھوٹے اور درمیانے درجے کے کاروباری اداروں کے وزیر مملکت بھانو پرتاپ سنگھ ورما کریں گے۔

ایکسپو سے ایک دن پہلے، 4 اگست 2022 کو صبح 10 بجے سے کانفرنس روم، ہال نمبر 7، پرگتی میدان میں 'انڈیا کا ای وی سیکٹر - روڈ میپ فار گلوبل لیڈرشپ' کے موضوع پر ایک روزہ کانفرنس کا انعقاد کیا جا رہا ہے۔ اس کانفرنس سےجنرل (ڈاکٹر) وی کے سنگھ، عزت مآب وزیر مملکت برائے روڈ ٹرانسپورٹ اور ہائی ویز، جناب کرشن پال گرجر، عزت مآب وزیر مملکت برائے بھاری صنعت اور جناب پرمیشورن ائیر، سی ای او نیتی آیوگ خطاب کریں گے۔

ای وی ایکسپو 2022 ہندوستان میں 15ویں ماحول دوست الیکٹرک وہیکل ایکسپو ہے اور اس کا اہتمام مارکیٹ کی جامع بصیرت، بہترین کاروباری مواقع اور نیٹ ورکنگ کے لیے ایک پلیٹ فارم فراہم کرنے کے لیے کیا جائے گا۔ ای وی ایکسپو 2022 الیکٹرک گاڑیوں کی صنعت کے لیے مسافروں اور سامان کی آسان اور ماحول دوست نقل و حمل کے لیے الیکٹرک گاڑیوں، پرزوں اور خدمات میں جدید ترین چیزوں کو دکھانے، دیکھنے اور سمجھنے کا موقع فراہم کرتا ہے۔

ایکسپو اس بات کو یقینی بناتا ہے کہ قومی اور بین الاقوامی نمائش کنندگان اپنی جدید ترین ٹیکنالوجی، خدمات اور مصنوعات کو صحیح سامعین کے سامنے پیش کرنے کے قابل ہوں۔ ای وی ایکسپو 2022 کے آرگنائزر مسٹر راجیو اروڑہ نے کہا، "ہمارے چاروں طرف بہت زیادہ جوش اور تجسس ہے۔ ای وی اسپیس میں تیزی سے پیش رفت ہو رہی ہے - پائیدار، ماحول دوست نقل و حرکت کا مستقبل۔ دن بہ دن، ہم مرکزی اور مختلف ریاستی حکومتوں کی طرف سے نئے اقدامات، پالیسیوں اور بنیادی ڈھانچے کے منصوبوں یا نقاب کشائی کے بارے میں سنتے ہیں جو الیکٹرک گاڑیوں کو اپنانے کو آسان بنا رہے ہیں۔

اس ای وی ایکسپو کے پہلے ایڈیشن سے، جسے ہم دہلی کے ساتھ ساتھ دوسرے شہروں میں بھی منعقد کر رہے ہیں، ہم نے دیکھا ہے کہ پروڈکٹ پروفائل کیسے بدلی ہے۔ اس ایکسپو میں ذاتی استعمال کے لیے 2، 3 اور 4 وہیلرز کا ڈسپلے اس ٹیکنالوجی کی مقبولیت کا مظہر ہے جو پہلے زیادہ تر ای رکشوں سے تھا۔ اس بار بھی، ہمیں ملک بھر کے نمائش کنندگان کی جانب سے پرجوش شرکت ملی ہے اور ایکسپو میں چارجنگ سلوشنز اور لوازمات کے ساتھ ساتھ بہت سی نئی الیکٹرک گاڑیوں کا دلچسپ آغاز دیکھنے کو ملے گا۔ ہمیں توقع ہے کہ 3 دنوں میں 15,000 سے زیادہ کاروباری زائرین ایکسپو کا دورہ کریں گے۔ ایکسپو میں جدید ترین اسمارٹ ای وہیکلز، چارجنگ سلوشنز اور بیٹریوں کی نقاب کشائی کی جائے گی۔

from Qaumi Awaz https://ift.tt/trkFiID

ناسا سورج کو ایک بڑے ٹیلی اسکوپ میں بدلنے کی کر رہا تیاری!

ایلین کا پتہ لگانے کے لیے سورج کو ایک بڑے ٹیلی اسکوپ میں بدلنے کی تیاری ہو رہی ہے۔ امریکی خلائی ایجنسی ناسا اپنے ایک مشن کے تحت اس منصوبہ پر کام کرے گی۔ وہ اس کے ذریعہ کائنات یا گیلکسی اور ایلین سیاروں پر نظر رکھے گی۔ ناسا نے اس مشن کو سولر گریویٹیشن لینس پروجیکٹ نام دیا ہے۔ سائنسدانوں کا ماننا ہے کہ ایلین سیاروں کو سیدھے دیکھنا ایک بے حد مشکل کام ہے۔ زمین سے 100 نوری سال دور موجود کسی ایلین نسل کو دیکھنے کے لیے 90 کلومیٹر قطر کے پرائمری لینس والے ٹیلی اسکوپ کی ضرورت پڑے گی، لیکن اتنا بڑا لینس بنانا ممکن نہیں ہے۔ اس لیے ہم ایسا پروجیکٹ لائے ہیں جس سے ایلین دنیا کی سطحوں کا نقشہ بنا سکتے ہیں۔

دراصل خلاء میں موجود ہر چیز اپنے وقت کے مطابق ہوتی ہے۔ سورج کی روشنی کشش ثقل کی وجہ سے مڑتی بھی ہے۔ اس کے لیے ہم سورج سے نکلنے والی روشنی کو ہی بڑے لینس میں بدل دیں گے۔ وہ کشش ثقل کی وجہ سے ایک لینس بناتی ہے۔ اس کشش ثقل والے لینس کے ذریعہ ہم اس سیارہ کے پیچھے دور خلاء تک جھانک سکتے ہیں۔ ہمارے نظام شمسی میں سورج سے بڑی کوئی شئے نہیں ہے جس سے کہ وہاں کے قریب کی چیزوں کو دیکھا جا سکے۔

اتنا ہی نہیں، اگر سیاروں کی سطح پر کوئی شہر موجود ہے تو ہمیں نظر آئے گا۔ سورج کو ٹیلی اسکوپ بنانے کے لیے جس تکنیک کو خلاء میں نصب کرنے کی بات ہو رہی ہے، اسے 650 ایسٹرونومیکل یونٹ پر رکھنا ہوگا۔ ایجنسی کا ماننا ہے کہ ایک چھوٹا ٹیلی اسکوپ بنا کر اس دوری کو طے کرنے کے لیے بھیجا جائے، تب بھی اسے وہاں تک پہنچنے میں پچیس سال لگ جائیں گے۔ اس کام میں مدد کے لیے شمسی ہواؤں کی مدد لی جائے گی۔ اس سے یہ طیارہ سورج کے بے حد نزدیک پہنچ جائے گا۔

ناسا کے جیٹ پروپلشن لیبوریٹری کی سائنسداں ڈاکٹر سلاوا توریشیو نے کہا کہ یہ دیرینہ پروجیکٹ ناممکن لگتا ہے، لیکن ہے نہیں۔ اس میں کامیابی حاصل کی جا سکتی ہے اور ہمارا مقصد ہے کہ ہم اسے 2034 تک پورا کر لیں گے۔ اس کے بعد دوسری دنیا کے سیاروں، وہاں رہنے والے جانداروں، نسلوں وغیرہ کے بارے میں جانکاری جمع کریں گے۔ دراصل یہ جاننا ضروری ہے کہ کائنات میں ایسے مزید کون سے سیارے ہیں جہاں پر انسانوں جیسی یا اس سے بہتر تہذیب موجود ہے۔ کیا وہ مستقبل میں ہماری مدد کریں گے، یا ہم پر حملہ کریں گے۔ زمین کو بچانے اور سنوارنے کے لیے ان کے بارے میں جاننا بے حد ضروری ہے۔

from Qaumi Awaz https://ift.tt/InByuxK

چاند پر ملی ایسی جگہ جہاں بسائی جا سکتی ہے انسانوں کی بستی، سورج کی تپش بھی نہیں!

چاند پر انسانوں کو بسانے کے لیے کوششیں عرصۂ دراز سے جاری ہیں۔ اس تعلق سے سائنسداں اکثر نئی نئی جانکاریاں دیتے رہتے ہیں اور ریسرچ کا سلسلہ بھی تیزی کے ساتھ چل رہا ہے۔ چونکہ چاند پر سورج کا خطرناک ریڈیئشن موجود ہے، اس لیے وہاں تپش یعنی درجہ حرارت غیر معمولی پائی جاتی ہے۔ لیکن اب ناسا کے سائنسدانوں نے غالباً اس مسئلہ کا حل تلاش کر لیا ہے۔ دعویٰ کیا جا رہا ہے کہ چاند پر کچھ ایسے مقامات کی تلاش میں کامیابی ملی ہے جہاں درجہ حرارت انسانوں کے لیے آرام دہ ہے۔ دراصل چاند پر موجود کچھ ایسے گڈھوں کے بارے میں پتہ لگایا گیا ہے جہاں درجہ حرارت 17 ڈگری سلسیس ہے۔

پارلیمنٹ میں سونیا گاندھی کی توہین کر کے بی جے پی نے ملک کی شاندار تاریخ کو داغدار کیا: کانگریس

دراصل چاند کے بیشتر حصے ایسے ہیں جہاں پر انسانی بستی بسانا مشکل ہے۔ دن کے وقت چاند پر درجہ حرارت زمین سے 15 گنا زیادہ (تقریباً 127 ڈگری سلسیس) تک ہوتا ہے۔ چاند کے تاریکی والے حصے میں درجہ حرارت منفی 173 ڈگری سلسیس تک گر جاتا ہے۔ لیکن نئے تلاش کیے گڈھوں کے بارے میں بتایا جا رہا ہے کہ وہاں سورج کی تپش بہت زیادہ نہیں اور اس سے مستقبل میں چاند مشن کافی آسان ہو جائے گا۔ امریکی اسپیس ایجنسی ناسا کے لونر ریکانیسنس آربٹر کے پروجیکٹ سائنسداں نوح پیٹرسن نے چاند کے گڈھوں کی اس خوبی کے بارے میں بتایا ہے۔

سائنسداں نوح پیٹرسن کا کہنا ہے کہ ’’یہ جانتے ہوئے کہ یہ گڈھے ایک مستحکم ماحول بناتے ہیں، ہمیں چاند کی ان خصوصیات کو جاننے اور تلاش کرنے کے امکان کی تصویر کشی کرنے میں مدد کرے گا۔‘‘ چاند کے گڈھوں کو 2009 میں تلاش کیا گیا تھا، تبھی سے سائنسداں اس بات کی دریافت کر رہے ہیں کہ کیا انھیں شیلٹر کی طرح استعمال کیا جا سکتا ہے۔ انھیں آپ چاند کے کریٹر سے مت جوڑ لیجیے۔ یہ گڈھے چاند کی سطح پر کھوکھلے غاروں جیسے ہوتے ہیں۔

پارلیمنٹ میں سونیا گاندھی کی توہین کر کے بی جے پی نے ملک کی شاندار تاریخ کو داغدار کیا: کانگریس

نئی تحقیق کی قیادت کرنے والے ٹائلر ہووَرتھ نے کہا کہ ’’200 سے زیادہ گڈھوں میں سے تقریباً 16 لاوا ٹیوب کے ہیں۔‘‘ بہرحال، اس وقت اسٹڈی کے لیے سائنسداں 328 فیٹ گہرے گڈھے پر توجہ مرکوز کر رہے ہیں، جسے میر ٹرینکوئلی ٹیٹس کی شکل میں جانا جاتا ہے۔ چٹان کی تھرمل پراپرٹی جاننے کے لیے کمپیوٹر ماڈل کا استعمال کیا گیا۔ اس میں انھوں نے پایا کہ جن مقامات پر گڈھے میں پرچھائی ہے وہاں درجہ حرارت 17 ڈگری سلسیس ہے۔

from Qaumi Awaz https://ift.tt/kmszQCl

وُہان کے لیب سے نہیں بازار سے انسانوں میں پہنچا کووڈ، نئی تحقیق میں دعویٰ

امریکہ کے کیلیفورنیا یونیورسٹی سین ڈیاگو میں بین الاقوامی محققین کی ایک ٹیم کا ریزلٹ اس اصول کو خارج کرتا ہے کہ کورونا وائرس بدنام زمانہ وُہان انسٹی ٹیوٹ آف وائرولوجی لیب سے لیک ہوا تھا، جس سے اب تک کم از کم 64 لاکھ لوگوں کی موت ہو چکی ہے۔ محققین کا ماننا ہے کہ کووڈ-19 وبا کی شروعات 2019 میں چین کے وُہان میں ہوانن سی فوڈ ہول سیل مارکیٹ میں ہوئی تھی، اور اس کے نتیجہ کار کئی اسپل اوور واقعات ہوئے، جن میں سارس-کوو-2 وائرس زندہ جانوروں سے وہاں کام کرنے والے یا خریداری کرنے والے انسانوں کے جسم میں پہنچا۔

ای ایم آئی مزید مہنگی ہونے کا اندیشہ، 5 اگست کو آر بی آئی پھر بڑھا سکتا ہے ریپو ریٹ

سائنس جرنل میں فرسٹ ریلیز کے ذریعہ سے آن لائن شائع کی گئی تحقیقوں سے پتہ چلا ہے کہ ایک پیتھوجینک جانور سے انسان میں کامیابی کے ساتھ پہنچا، جسے ایک جونوٹک واقعہ کی شکل میں جانا جاتا ہے۔ یہ مانتا ہے کہ سارس-کوو-2 وائرس جانوروں سے انسانوں میں کم از کم دو بار اور شاید دو درجن سے زائد بار پہنچا۔

راہل گاندھی سے کی گئی 5 دن تک پوچھ گچھ، اسی کیس میں سونیا گاندھی کو کیوں طلب کیا گیا! پریس کانفرنس میں کانگریس کا سوال

یو سی سین ڈیاگو اسکول آف میڈیسن میں گلوبل پبلک ہیلتھ کے انفیکشن والے امراض کے محکمہ میں ایسو سی ایٹ پروفیسر جوئل او ورتھائم نے کہا کہ یہ اہم ہے کہ ہم کووڈ-19 کے پیدا ہونے کے بارے میں زیادہ سے زیادہ جانیں، کیونکہ صرف یہ سمجھ کر کہ وبا کیسے شروع ہوتی ہے، ہم مستقبل میں انھیں روکنے کی امید کر سکتے ہیں۔ ورتھائم نے کہا کہ ’’مجھے لگتا ہے کہ عام اتفاق ہے کہ یہ وائرس درحقیقت ہوانن مارکیٹ سے آیا تھا، لیکن ابھی تک کسی نے اسے ایک مضبوط معاملہ نہیں بنایا ہے۔‘‘

from Qaumi Awaz https://ift.tt/NxgMl6Z

نیلامی 5G اسپیکٹرم: پہلے دن 1.45 لاکھ کروڑ کی بولیاں لگائی گئیں

نئی دہلی: ملک میں منگل کے روز 5G اسپیکٹرم کی نیلامی شروع ہو گئی اور پہلے دن 1.45 لاکھ کروڑ روپے کی بولیاں موصول ہوئیں۔ مکیش امبانی، سنیل بھارتی متل اور گوتم اڈانی کی کمپنیوں نے ریڈیو ویو کے لیے اب تک کی سب سے بڑی نیلامی کے لیے بولی لگائی۔ تمام چار درخواست دہندگان، امبانی کی ریلائنس جیو، متل کی بھارتی ایئرٹیل، ووڈافون-آئیڈیا اور اڈانی گروپ کی کمپنی نے 5G اسپیکٹرم نیلامی میں حصہ لیا۔

ٹیلی مواصلات کے وزیر اشونی وشنو نے کہا کہ 700 میگا ہرٹز بینڈ پر بھی بولیاں موصول ہوئی ہیں۔ اسپیکٹرم کو 14 اگست تک الاٹ کرنے کا ہدف ہے جبکہ 5G خدمات سال کے آخر یعنی دسمبر تک کئی شہروں میں شروع ہونے کی امید ہے۔ انہوں نے کہا حکومت کو بولی لگانے کے پہلے دن 1.45 لاکھ کروڑ روپے کی بولیاں موصول ہوئیں۔ یہ توقع سے زیادہ ہے اور 2015 کے ریکارڈ تجاوز کر گئی ہیں۔ پہلے دن نیلامی کے چار راؤنڈ ہوئے اور درمیانی اور اعلیٰ بینڈ میں کمپنیاں نے زیادہ دلچسپی ظاہر کی۔ کمپنیوں نے 3300 میگا ہرٹز اور 26 گیگا ہرٹز بینڈز میں سرگرمی سے بولیاں لگائیں۔

وزیر ٹیلی کام کے مطابق بولی میں شامل چار کمپنیوں کی شرکت نمایاں ہے۔ انہوں نے کہا کہ نیلامی پر کمپنیوں کے ردعمل سے لگتا ہے کہ وہ مشکل وقت سے نکل آئی ہیں۔ اشونی وشنو نے کہا کہ حکومت ریکارڈ وقت میں اسپیکٹرم مختص کرے گی اور دسمبر تک 5G خدمات شروع ہونے کی امید ہے

طے شدہ طریقہ کار کے مطابق نیلامی کے دوران یہ معلوم نہیں ہوگا کہ کس کمپنی نے کتنا سپیکٹرم حاصل کیا ہے۔ نیلامی سپیکٹرم کے لیے (600 میگا ہرٹز، 700 میگا ہرٹز، 800 میگا ہرٹز، 900 میگا ہرٹز، 1800 میگا ہرٹز، 2100 میگا ہرٹز، 2300 میگا ہرٹز)، درمیانے (3300 میگا ہرٹز) اور ہائی (26 گیگا ہرٹز) فریکوئنسی بینڈز کے لئے کی جا رہی ہے۔ نیلامی بدھ کے روز یعنی آج بھی جاری رہے گی۔

رپورٹ کے مطابق 5G سروسز کی آمد سے انٹرنیٹ کی رفتار 4G کے مقابلے میں تقریباً 10 گنا زیادہ ہو جائے گی۔ اس میں انٹرنیٹ کی رفتار ایسی ہوگی کہ چند سیکنڈ میں موبائل پر فلم ڈاؤن لوڈ کی جا سکے گی۔ اس کے ساتھ یہ ای-ہیلتھ، میٹاورس، جدید ترین موبائل کلاؤڈ گیمنگ سمیت مختلف شعبوں میں انقلاب برپا کرے گا۔

from Qaumi Awaz https://ift.tt/xD63k98

چین نے وینٹیان لیب ماڈیول کو خلائی مدار میں پہنچایا

بیجنگ: چین کی انسان بردار خلائی ایجنسی (سی ایم ایس اے) نے تیانگونگ خلائی اسٹیشن سے لانچ کیے گئے وینٹیان لیبارٹری ماڈیول کو کامیابی سے خلائی مدار میں پہنچا دیا ہے۔ سی ایم ایس اے کے مطابق، مین ماڈیول کو خلائی مدار میں پیر کے روز مقامی وقت کے مطابق 0313 بجے، وینٹیان کے لانچ کے تقریباً 13 گھنٹے بعد پہنچایا گیا۔

دہلی میں منکی پاکس کا مریض ملنے پر اعلیٰ سطحی کمیٹی تشکیل

لیب ماڈیول کو اتوار کے روز صوبہ ہینان میں وینچانگ خلائی جہاز لانچ پیڈ سے لانگ مارچ 5B کیریئر راکٹ کے ذریعہ لانچ کیا گیا۔ ورکنگ کمپارٹمنٹ، ائیر لاک کمپارٹمنٹ اور ریسورس کمپارٹمنٹ اس ماڈیول کے تین حصے ہیں۔ وینٹیان 17.9 میٹر (55.7 فٹ) لمبا، 4.2 میٹر محیط اور 23 ٹن وزنی ہے۔ یہ اس وقت چین کا سب سے بڑا خلائی جہاز ہے۔ چین اس سال زمین کے نچلے مدار میں اپنا پہلا خلائی اسٹیشن تعمیر کرنے کے لیے پرامید ہے۔

بارہ بنکی میں بس حادثہ، 8 لوگوں کی موت، 20 زخمی

from Qaumi Awaz https://ift.tt/bh2UxdF

بھارت میں فیس بک کے لیے چیلنج: عریانیت، خواتین کو لاحق خوف

دو فروری کو جب پہلی مرتبہ فیس بک کے پلیٹ فارم پر صارفین کی تعداد بہت کم نظر آئی، تو اس کے مالیاتی شعبے کے سربراہ نے کہا کہ بھارت میں چونکہ موبائل ڈیٹا بہت مہنگا ہوگیا ہے، اس لیے دنیا کی اس بہت بڑی مارکیٹ میں اس کمپنی کی ترقی کی رفتار سست پڑ رہی ہے۔ لیکن اسی روز اس امریکی ٹیکنالوجی گروپ نے بھارت میں فیس بک کے بزنس کے حوالے سے اپنی ایک تحقیقاتی رپورٹ بھی اپنے اسٹاف کے سامنے پیش کی۔ سن دو ہزار انیس سے دو ہزار اکیس کے درمیان دو برسوں تک کی گئی اس تحقیق میں فیس بک کو درپیش چیلنجز اور مسائل کی نشاندہی کی گئی تھی۔

اس تحقیق کے مطابق بہت سی خواتین نے فیس بک کو مسترد کر دیا ہے کیونکہ اس پر مردوں کا غلبہ ہے اور وہ اپنی سلامتی اور پرائیویسی کے حوالے سے فکر مند تھیں۔ اس پہلو پر پہلے کبھی توجہ نہیں دی گئی تھی۔

فیس بک کی تحقیق میں یہ بات بھی سامنے آئی کہ مواد کے تحفظ کا فکر اور اپنے اکاونٹ پر غیر مطلوبہ افراد کی بھیڑ خواتین کے فیس بک استعمال کرنے کی راہ میں بڑی رکاوٹیں ہیں جبکہ ''خواتین کو الگ کر کے بھارت میں کامیابی نہیں مل سکتی۔‘‘

اس تحقیقاتی رپورٹ میں جن دیگر رکاوٹوں کا ذکر کیا گیا ہے ان میں عریانیت سے پُر مواد،ایپ ڈیزائن کی پیچیدگی، مقامی زبان اور شرح خواندگی بھی شامل ہیں۔ یہ رپورٹ دسیوں ہزار افراد کے ساتھ بات چیت اور انٹرنیٹ سے حاصل کردہ اعداد و شمار کی بنیاد پر تیار کی گئی تھی۔

فیس بک کی ترقی میں مسلسل کمی

فیس بک کی ترقی کی رفتار گزشتہ برس سست پڑنے لگی تھی۔ ایک ارب چالیس کروڑ کی آبادی والے ملک بھارت میں چھ ماہ کے دوران فیس بک صارفین کی تعداد میں صرف چند لاکھ کا اضافہ ہوا۔ دوسری طرف واٹس ایپ اور انسٹاگرام جیسی ایپس استعمال کرنے والوں کی تعداد میں مسلسل اضافہ ہوتا رہا۔ رپورٹ کے مطابق، ''انٹرنیٹ اور دیگر ایپس کے مقابلے میں فیس بک کی ترقی کی رفتار سست ہے۔‘‘

اس رپورٹ کے حوالے سے جب فیس بک سے رابطہ کیا گیا، تو ایک ترجمان نے بتایا کہ کمپنی اپنی پروڈکٹس کو سمجھنے کے لیے مسلسل ریسرچ کرتی ہے تاکہ انہیں بہتر سے بہتر بنایا جا سکے۔ ترجمان نے کہا، ''سات ماہ پرانی تحقیق کو بھارت میں ہمارے بزنس کا پیمانہ قرار دینا گمراہ کن ہو گا۔‘‘

صنفی عدم مساوات بھی باعث تشویش

فیس بک کی اپنی تحقیقات میں یہ بات واضح طور پر کہی گئی ہے کہ صنفی عدم مساوات فیس بک کے لیے بھارت میں ایک بڑا چیلنج ہے۔ یہ ایک ایسا مسئلہ ہے جسے حل کرنے کی کوشش فیس بک پچھلے کئی سال سے کر رہا ہے لیکن اسے زیادہ کامیابی نہیں مل سکی۔

تحقیقات کے مطابق، ''یوں تو بھارت میں انٹرنیٹ پر بالعموم صنفی عدم مساوات ہے، لیکن فیس بک کے صارفین میں یہ عدم مساوات اور بھی زیادہ ہے۔‘‘ رپورٹ میں اس کی وجہ آن لائن سکیورٹی کے حوالے سے تشویش اور سماجی دباو بتائی گئی ہے۔ محققین نے دیکھا کہ فیس بک استعمال کرنے والی 79 فیصد خواتین نے اپنی تصویر یا دیگر مواد کے غلط استعمال کے متعلق تشویش ظاہر کی۔ اس کے علاوہ 20 تا30 فیصد نے بتایا کہ سروے کے سات دنوں کے اندر انہوں نے فیس بک پر عریانیت دیکھی تھی۔

فیس بک پر عریانیت کے معاملے میں بھارت دیگر ملکوں سے کافی اوپر ہے۔ امریکہ اور برازیل میں دس فیصد صارفین کے سامنے ایسی پوسٹس آئیں جن میں عریانیت تھی۔ ایک دوسرے سروے کے مطابق انڈونیشیا میں ایسے لوگوں کی تعداد 20 فیصد تھی۔

خاندان کا دباؤ اور منفی سوچ

اس تحقیقاتی رپورٹ میں بھارت کے پس منظر میں دیگر دو باتوں کا بھی ذکر کیا گیا ہے۔ بالخصوص خواتین کے لیے فیس بک استعمال نہ کرنے کی ایک بڑی وجہ یہ ہے: ''خاندان اجازت نہیں دیتا۔‘‘ اس کے علاوہ، ''دیگر ملکوں کے مقابلے میں منفی سو چ کہیں زیادہ ہے۔‘‘

فیس بک کے ترجمان کا کہنا ہے کہ انٹرنیٹ پر صنفی عدم مساوات صرف ان کے پلیٹ فارم کا نہیں بلکہ پوری انڈسٹری کا مسئلہ ہے۔ انہوں نے کہا کہ سن 2016 کے بعد فیس بک نے سلامتی اور تحفظ کے لیے کام کرنے والی عالمی ٹیم کی تعداد چار گنا بڑھا کر 40 ہزار سے زائد کر دی ہے۔ اور رواں برس جنوری سے اپریل کے درمیان عریانیت اور جنسی سرگرمیوں سے متعلق97 فیصد مواد کو کوئی شکایت کیے جانے سے پہلے ہی ہٹا دیا گیا تھا۔

خواتین کے ہراساں کیے جانے اور انہیں دھمکیوں سے محفوظ رکھنے کی خاطر کافی اقدامات نہ کرنے کے سبب بھی فیس بک کو دنیا بھر میں تنقید کا شکار ہونا پڑا ہے۔ سن 2019 میں اس نے بتایا تھا کہ اس کی ایک ٹیم اس بات کو یقینی بنانے پر کام کر رہی ہے کہ خواتین کو کیسے محفوظ رکھا جائے اور ٹیکنالوجی کا استعمال کر کے ایسے مواد کو ہٹا دیا جائے جو غیر محفوظ دکھائی دیتا ہو۔ فیس بک کے ترجمان کے مطابق بھارت میں خواتین صارفین کی مدد کے لیے 'ویمنز سیفٹی ہب‘ اور دیگر پرائیویسی فیچر بھی شروع کیے گئے ہیں۔

تحقیقاتی رپورٹ میں کہا گیا ہے، ''بھارت میں فیس بک استعمال کرنے والے صارفین دیگر کسی بھی ملک سے زیادہ ہیں اور کمپنی کی ٹیموں کو بھارت میں ترقی اور اپنی اسٹریٹیجک پوزیشن کے بارے میں سنجیدگی سے غور کرنا چاہیے کیونکہ بھارت میں کمپنی کے لیے نتائج عالمی نتائج کو متاثر کر سکتے ہیں۔‘‘

from Qaumi Awaz https://ift.tt/ZOUvhjz

سائنسی آلات پر عائد جی ایس ٹی میں اضافہ، چدمبرم نے حکومتی فیصلہ کو ظالمانہ حرکت قرار دیا

نئی دہلی: اشیائے خورد و نوش پر جی ایس ٹی عائد کرنے کے بعد مودی حکومت حزب اختلاف کے نشانہ پر ہے۔ کہا جا رہا ہے کہ یہ پہلی ایسی حکومت ہے جس نے آٹا، دال، دہی اور دیگر گھریلوں اشیاء پر بھی ٹیکس عائد کر دیا ہے۔ وہیں، کانگریس کے سینئر لیڈر اور سابق وزیر پی چدمبرم نے سائنسی آلات پر جی ایس ٹی میں اضافہ کے حوالہ سے حکومت پر نکتہ چینی کی ہے۔

عظیم انقلابی چندر شیکھر آزاد: ساورکر کی 50 ہزار کی امداد ٹھکرائی مگر مسلمانوں کے خلاف کھڑے نہیں ہوئے

سابق وزیر خزانہ اور کانگریس کے سینئر لیڈر پی چدمبرم نے سائنسی آلات پر جی ایس ٹی میں اضافے پر تنقید کرتے ہوئے اتوار کو کہا کہ حکومت یہ سمجھتی ہے کہ ہمیں جس سائنسی علم کی ضرورت ہے وہ آسمان کی طرف دیکھ کر اور اپنے ماضی کی یادوں میں کھونے سے ہی حاصل کیا جا سکتا ہے۔

چدمبرم نے ٹوئٹ کیا، ’’تحقیقاتی اداروں اور یونیورسٹیوں کے لیے درکار سائنسی آلات پر جی ایس ٹی کو 5 فیصد سے بڑھا کر 12-18 فیصد کر دیا گیا ہے۔ یہ ظالمانہ حرکت وزارت سائنس کے بجٹ میں پچھلے سال کے مقابلے میں 3.9 فیصد کی کمی کے بعد کی گئی ہے۔

ادھر، گھریلو اشیاء پر جی ایس ٹی کی شرح میں اضافے پر اپوزیشن نے حکومت کو نشانہ بنایا ہے۔ پرنٹنگ، رائٹنگ یا ڈرائنگ انک، کٹنگ بلیڈ کے ساتھ چاقو، چمچ، کانٹے، کاغذی چاقو، پنسل شارپنرز اور ایل ای ڈی لیمپ جیسی مصنوعات پر ٹیکس کی شرح 12 فیصد سے بڑھا کر 18 فیصد کر دی گئی ہے۔

دہلی میں منکی پاکس کے پہلے معاملہ کی تصدیق کے بعد کیجریوال کی اپیل، ایل این جے پی میں اسپیشل وارڈ قائم

ادھر، یومیہ 5000 روپے سے زیادہ قیمت والے اسپتال کے کمروں پر بھی 5 فیصد جی ایس ٹی عائد ہوگی، حالانکہ آئی سی یو بیڈز کو جی ایس ٹی کے اضافہ سے مستثنیٰ قرار دیا گیا ہے۔ اس کا جواب دیتے ہوئے کانگریس نے کہا کہ شرح کی یہ نظرثانی ایسے وقت میں ہوئی ہے جب مہنگائی عام آدمی کی جیب پر ڈاکہ ڈال رہی ہے۔

from Qaumi Awaz https://ift.tt/LWOgJID